হাটশিঙিমাৰী, দক্ষিণ শালমাৰা-মানকাচৰ | INNNEWS24.COM
কৰ্ণাটকত এইচআইভি (HIV) সংক্ৰমণ বৃদ্ধি পোৱাৰ খবৰে সমগ্ৰ দেশজুৰি উদ্বেগৰ সৃষ্টি কৰিছে। শেহতীয়া তথ্য অনুসৰি, ১৮ৰ পৰা ২৫ বছৰ বয়সৰ ৭,০০০ৰো অধিক যুৱক-যুৱতীৰ এইচআইভি পজিটিভ ধৰা পৰাৰ পিছতে ৰাজ্য চৰকাৰে বিভিন্ন মহাবিদ্যালয়ত সজাগতা, পৰামৰ্শ আৰু স্বেচ্ছামূলক এইচআইভি পৰীক্ষা শিবিৰ অনুষ্ঠিত কৰাৰ পদক্ষেপ গ্ৰহণ কৰিছে।
অৱশ্যে, সামাজিক মাধ্যমত ব্যাপকভাৱে প্ৰচাৰ হোৱা “কৰ্ণাটকৰ ৭,০০০ শিক্ষাৰ্থী এইচআইভি পজিটিভ” দাবীক কৰ্ণাটক ৰাজ্য এইডছ প্ৰতিৰোধ সমিতি (KSAPS)-এ ভ্ৰান্ত আৰু বিভ্ৰান্তিকৰ বুলি স্পষ্টকৈ খণ্ডন কৰিছে। সংস্থাটোৱে জনাইছে যে, তেওঁলোকে “শিক্ষাৰ্থী” শ্ৰেণী অনুসৰি পৃথক তথ্য সংৰক্ষণ নকৰে আৰু কলেজত এইচআইভি পৰীক্ষা বাধ্যতামূলক কৰা হোৱা নাই। HIV আৰু AIDS (Prevention and Control) Act, 2017 অনুসৰি ব্যক্তিৰ সন্মতি অবিহনে HIV পৰীক্ষা কৰিব নোৱাৰি।
স্বাস্থ্য বিশেষজ্ঞসকলৰ মতে, এইচআইভি সংক্ৰমণ ৰোধৰ বাবে সজাগতা, সুৰক্ষিত আচৰণ, সময়মতে পৰীক্ষা আৰু চিকিৎসা অতি প্ৰয়োজনীয়। ৰাজ্য চৰকাৰেও যুৱ সমাজক সঠিক তথ্যৰ ওপৰত বিশ্বাস ৰাখিবলৈ আৰু গুজৱ প্ৰচাৰ নকৰিবলৈ আহ্বান জনাইছে।
INNNEWS24.COM-এ পাঠকসকলক আহ্বান জনায় যে, স্বাস্থ্য সম্পৰ্কীয় যিকোনো তথ্য কেৱল চৰকাৰী বা নিৰ্ভৰযোগ্য উৎসৰ পৰা নিশ্চিত কৰি বিশ্বাস কৰক। HIV আক্ৰান্ত ব্যক্তিৰ প্ৰতি বৈষম্য নহয়, সহমৰ্মিতা আৰু সচেতনতা গঢ়ি তোলাই সমাজৰ দায়িত্ব।
